Azərbaycanın yunan-Roma yığması komanda hesabında üçüncü olub-FOTO
Latviyanın paytaxtı Riqada güləş üzrə Avropa çempionatı başa çatıb. Azərbaycan yığma komandaları çempionatı ümumilikdə 2 qızıl, 2 gümüş və 4 bürünc medalla başa vurub.
1news.az AZƏRTAC-a istinadən xəbər verir ki, yunan-Roma güləşi üzrə yarışlarda güləşçilərimiz 2 bürünc medal qazanıblar. Belə ki, Kamran Məmmədov və Həsən Əliyev fəxri kürsünün üçüncü pilləsində qərarlaşıblar. Medalların sayına görə yunan-Roma güləşçilərimiz komanda hesabında üçüncü pillədə yer alıblar.
Avropa çempionatında 2 qızıl və 1 bürünc medal qazanan qadın güləşçilərimiz isə komanda hesabında dördüncü yerin sahibi olublar. Qadın güləşçilərimizin heyətində Mariya Stadnik və Nataliya Sinişin qızıl, Yuliya Ratkeviç isə bürünc medal əldə edib.
Çempionatı 2 gümüş (Cəbrayıl Həsənov və Aleksandr Qostiyev) və 1 bürünc (Hacı Əliyev) medalla tamamlayan sərbəst güləş üzrə Azərbaycan yığması isə komanda hesabında 5-ci sırada qərarlaşıb.
1news.az
