Əbülfəs Qarayev: “Azərbaycanın mədəniyyət sahəsində yeni idarəetmə sistemi olmalıdır”

Azərbaycanda mədəniyyət sahəsindəki idarəetmə sistemi əsasən sovet dövrü modelinə əsaslanır və islahatların keçirilməsinə ehtiyac duyulur.

1news.az  xəbər verir ki, bunu mədəniyyət və turizm naziri Əbülfəs Qarayev bugünki tədbir zamanı bildirib.

“Bu sistemi modernləşdirmək üçün Azərbaycan Aİ-nin himayəsi altında tvinninq-layihə çərçivəsində İtaliyanın Mədəniyyət və Turizm Nazirliyi ilə əməkdaşlığa başlayır”,-deyə, layihənin açılışında iştirak edən nazir bildirib.

Əbülfəs Qarayev çıxışında onu da vurğulayıb ki, layihə üzrə işlər iki əsas hissə üzrə davam etdiriləcək: mədəniyyət sahəsindəki idarəetmədə islahatlar, həmçinin Azərbaycan ərazisində mədəniyyət abidələrinin qorunması və saxlanması sahəsində əməkdaşlıq həyata keçiriləcək.

Bundan əlavə nazir qeyd edib ki, hazırkı layihə Aİ-nin himayəsi ilə keçirilmiş ötən tvinninq- layihənin məntiqi davamıdır. Avstriya və Latviyadan olan həmkarla birgə gerçəkləşdirilən həmin layihə turizm sektorunu inkişafına yönəlmişdi.

İtaliya ilə əməkdaşlığa gəlincə Ə.Qarayev bildirib ki, bu iki ölkəni birləşdirəm bir çox çəhətlər var, bu mədəniyyət sahəsində də özünü göstərir.

Bununla əlaqədar olaraq nazir Azərbaycanın Romada tarixi abidələrin rekonstruksiyasını həyata keçirdiyini bildirib. İtaliyada isə 12-ci əsr görkəmli Azərbaycan şairi Nizami Gəncəvinin heykəlinin qoyulması qarşılıqlı hörməti nümayiş etdirir.

1news.az