AFFA intizamsız klubları və futbolçuları cəzalandırdı
AFFA İntizam Komitəsinin növbəti iclası keçirilib.
1news.az-ın məlumatına görə, iclasda aşağıdakı qərarlar qəbul olunub:
9 mart 2016-cı il, 2015/2016 mövsümündə, XXIV Azərbaycan Kubokunun 1/4 mərhələsinin cavab oyunu olan “İnter” – “Rəvan” matçında “Rəvan” klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).
9 mart 2016-cı il, 2015/2016 mövsümündə, XXIV Azərbaycan Kubokunun 1/4 mərhələsinin cavab oyunu olan “Qəbələ” – “Zirə” matçında “Zirə” klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).
13 mart 2016-cı il, 2015/2016 mövsümündə, XXIV Topaz Premyer Liqasının XXV turunun “Qəbələ” – “Zirə” matçında “Zirə” klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).
Oynunun 85-ci dəqiqəsində “Zirə” klubunun məşqçisi Anar Niftəliyev texniki zona qaydaların pozduğuna görə texniki zonadan kənarlaşdırıldığı üçün 1 oyun cəzalanır, klub 1000 manat cərimə olunur (maddə 62).
13 mart 2016-cı il, 2015/2016 mövsümündə, XXIV Topaz Premyer Liqasının XXV turunun “Sumqayıt” – “Qarabağ” matçında “Sumqayıt” klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).
12 mart 2016-cı il, 2015/2016 mövsümündə, XXIV Topaz Premyer Liqasında çıxış edən klubların əvəzedici heyətlərinin XXV turunun AZAL – “Neftçi” matçında AZAL klubunun 4 futbolçusu sarı vərəqə ilə cəzalandığı üçün klub 500 manat cərimə olunur (maddə 40).
12 mart 2016-cı il, 2015/2016 mövsümündə, Azərbaycan I divizionun XVII turunun “Şəmkir” – “Bakı” matçının 90+3-cü dəqiqəsində “Bakı” klubunun 41 №-li futbolçusu Müşviq İlyasov ikinci sarı vərəqə alaraq meydandan kənarlaşdırıldığı üçün 1 oyunluq cəzalanır, klub 20 manat cərimə olunur (maddə 48).
12 mart 2016-cı il, 2015/2016 mövsümündə, Azərbaycan I divizionun XVII turunun “Ağsu” – “Mil-Muğan” matçında “Ağsu” klubunun 4 futbolçusu sarı vərəqə ilə cəzalandığı üçün klub 100 manat cərimə olunur (maddə 40).
Oyunun 73-cü dəqiqəsində “Ağsu” klubunun 12 №-li futbolçusu Adil Tağıyev ikinci sarı vərəqə alaraq meydandan kənarlaşdırıldığı üçün 1 oyunluq cəzalanır, klub 20 manat cərimə olunur (maddə 48).
12 mart 2016-cı il, 2015/2016 mövsümündə, Azərbaycan I divizionun XVII turunun “Qaradağ Lökbatan” – “Bakılı” matçının 74-cü dəqiqəsində “Bakılı” klubunun 3 №-li futbolçusu Zahid Quliyev kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyunluq cəzalanır, klub 200 manat cərimə olunur (maddə 37.1).
2 mart 2016-cı il U-19 Liqasında “Neftçi” İK İB – “Kəpəz” matçının 30-cu dəqiqəsində “Kəpəz” klubunun 6 №-li futbolçusu Cəlal Haşimov ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).
2 mart 2016-cı il U-19 Liqasında “Bakı” – “Rəvan” matçının 90-cı dəqiqəsində “Rəvan” klubunun baş məşqçisi Zamin Əsədullayev texniki zona qaydaların pozduğuna görə texniki zonadan kənarlaşdırıldığı üçün 1 oyunluq cəzalanır (maddə 62).
29 fevral 2016-cı il Bakcell U-17 Liqasının “Vətən” – AZAL matçının 34-cü dəqiqəsində AZAL klubunun 96 №-li futbolçusu Sadiq Abdullazadə sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).
3 mart 2016-cı il U-16 Liqasında “Fortuna” Səbail – “Qəbələ” matçının 50-ci dəqiqəsində “Qəbələ” klubunun 10 №-li futbolçusu Vüsal Mustafayev ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).
Oyunun 52-ci dəqiqəsində “Fortuna” klubunun 10 №-li futbolçusu Vidadi Cəfərov rəqibi bilərəkdən vurduğuna görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır (maddə 38.3).
3 mart 2016-cı il U-16 Liqasının “Zirə” – “Kəpəz” matçının 80+3-cü dəqiqəsində “Zirə” klubunun 15 №-li futbolçusu Hüseyn Həsənov hakimi təhqir etdiyinə görə qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır (maddə 42.3).
Oyunun 80+4-cü dəqiqəsində “Zirə” klubunun 14 №-li futbolçusu Riad Əliyev aqresiv davranışa görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır (maddə 38.3).
10 mart 2016-cı il U-16 Liqasında “Neftçi” – “Vətən” matçının 69-cu dəqiqəsində “Vətən” klubunun 14 №-li futbolçusu Anar Zeynalov ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).
10 mart 2016-cı il U-16 Liqasının “Əlincə” – “Zirə” matçının 20-ci dəqiqəsində “Zirə” klubunun 2 №-li futbolçusu İsrafil Qasımov hakimi təhqir etdiyinə görə qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır (maddə 42.3).
10 mart 2016-cı il U-16 Liqasının “Rəvan” – “Bakı” matçının 66-cı dəqiqəsində “Bakı” klubunun 5 №-li futbolçusu Rauf Hüseynli hakimi təhqir etdiyinə görə qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır (maddə 42.3).
Oyunun 68-ci dəqiqəsində “Rəvan” klubunun 3 №-li futbolçusu Hüseyn Kazımzadə kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır (maddə 37.1).
1 mart 2016-cı il Boulevard Hotel U-15 Liqasının “Bakı” – “Ağsu” matçının 13-cü dəqiqəsində “Bakı” klubunun 6 №-li futbolçusu Mikayıl Kərimli rəqibi bilərəkdən vurduğuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır (maddə 38.3).
Oyunun 40-cı dəqiqəsində “Ağsu” klubunun 15 №-li futbolçusu Yusif Muradov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).
8 mart 2016-cı il Boulevard Hotel U-15 Liqasında “Neftçi” – “İnter” matçının 55-ci dəqiqəsində “Neftçi” klubunun 21 №-li futbolçusu Vuqar Quliyev ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).
Oyunun 67-ci dəqiqəsində “İnter” klubunun 4 №-li futbolçusu Samir Oruclu ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).
Oyunun 70+2-ci dəqiqəsində “İnter” klubunun 28 №-li futbolçusu Murad Bağırov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 37.1).
12 mart 2016-cı il Boulevard Hotel U-15 Liqasında “Neftçi” PFK – “Neftçi” İK İB matçının 70-ci dəqiqəsində “Neftçi” PFK klubunun 20 №-li futbolçusu Nicat Musayev ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır (maddə 48).
6 mart 2016-cı il U-14 Liqasında UGİM (Astara) – “Dalğa” (Lənkəran) matçında “Dalğa” klubunun iştirak etməməsinə görə kluba 0:3 hesablı texniki məğlubiyyət verilir (maddə 56).
13 mart 2016-cı il U-14 Liqasında UGİM Qala (Şəmkir) – Qoşqar UGİM-2 (Gəncə) matçının 77-ci dəqiqəsində UGİM Qala klubunun 99 №-li futbolçusu Nazim Rəhimov və Qoşqar UGİM-2 klubunun 10 №-li futbolçusu Orxan Məmmədov bir-birini vurduğuna görə birbaşa qırmızı vərəqə alaraq meydandan kənarlaşdırıldığları üçün hər iki futbolçu 2 oyunluq cəzalanır (maddə 38.3).
UGİM Qala klubunun baş məşqçisi Elşad Mirzəyev hakimlər briqadasını təhqir etdiyinə görə 5 oyunluq cəzalanır (maddə 42.4).
6 mart 2016-cı il U-12 Liqasında “Qarabağ” (Ağdam) – RİOEUGİM (Bakı) matçında RİOEUGİM komandasanın heyətində lisenziyası olmayan futbolçu iştirak etdiyinə görə kluba 0:3 hesablı texniki məğlubiyyət verilir (maddə 56).
13 mart 2016-cı il U-12 Liqasında “İnter” – “Neftçi” İK İB matçının 39-cu dəqiqəsində “İnter” klubunun baş məşqçisi Vəli Hüseynov texniki zona qaydaların pozduğuna görə texniki zonadan kənarlaşdırıldığı üçün 1 oyunluq cəzalanır (maddə 62).
5 mart 2016-cı il U-10 Liqasında “Dalğa” (Lənkəran) – “Zirvə” (Lənkəran) matçında “Dalğa” komandasanın heyətində yetərsayın olmadığına görə kluba 0:3 hesablı texniki məğlubiyyət verilir (maddə 56).
13 mart 2016-cı il Azərbaycan Həvəskarlar liqasının “Cəfəri 313” – “Şuşaspor” matçı başa çatdıqdan sonra “Şuşaspor” klubunun futbolçuları Əmrah Cəfərov, Süleyman Salmanov, Adəm Ağabalayev hakimi təhqir etdiklərinə görə hər bir futbolçu 4 oyun cəzalanır (maddə 42.3).
1news.az
