Ərdoğan xalqı səfərbərliyə çağırdı

Türkiyə Prezidenti Rəcəb Tayyip Ərdoğan ölkə əhalisini terrora qarşı səfərbərliyə çağırıb.

1news.az Anadolu agentliyinə istinadən xəbər verir ki, prezident çıxışında türk xalqının sakit, rahat bir şəraitdə yaşamağa layiq olduğunu bildirib:

"Biz demokratiyanı, insan haqlarını Qərb istədiyi üçün yox, xalqımız buna layiq olduğu üçün istəyirik. Türkiyə bir müddətdir ki, tarixinin ən böyük terror əməlləri ilə qarşı-qarşıya qalıb. PKK və onun yandaşları üstümüzə gəlir. Bizi qorxutmaq istəyirlər. Ancaq bu günə kimi millətlə döyüşüb uğur qazanan terror təşkilatı yoxdur. Bizə qorxmaq yaraşmaz, biz qorxunu qorxudanlardan olacağıq. Türkiyənin mübarizəsi sadəcə terrorla deyil, həm də terroru dəstəkləyənlərlədir".

1news.az