PKK Türkiyədə daha bir terror aktı törədib: 3 polis ölüb, 24 nəfər yaralanıb
Türkiyənin Diyarbəkir bölgəsinin Sur rayonunda jandarma postunda PKK terror təşkilatının minalanmış avtomobilinin partlaması nəticəsində 3 polis şəhid olub, 24 nəfər yaralanıb.
1news.az-ın Anadolu agentliyinə istinadla verdiyi xəbərə görə, hadisə cümə axşamı Türkiyənin cənub-şərqində, Diyarbəkir və Bingöl şəhərləri arasındakı trasda yerləşən jandarmeriya postu qarşısında baş verib.
Axşam saatlarında baş verən partlayışdan sonra naməlum şəxslər avtomat silahlardan jandarmeriya postunu atəşə tutublar. Qanun keşikçiləri tərəfindən cavab atəşi açılıb. Hücum edən şəxslərin axtarışı və zərərsizləşdirilməsi istiqamətində əməliyyat aparılır.
Hücumun təşkilində qadağan olunmuş Kürd Fəhlə Partiyasının (PKK) üzvləri şübhəli bilinir.
1news.az
