Facebook-un qazax seqmentindən dəstək - Azərbaycan bayrağının fotosu paylaşıldı-FOTO

Facebook sosial şəbəkəsinin Qazaxıstandan olan istifadəçiləri Ermənistan və Azərbaycan arasındakl Qarabağ münəqişəsini pisləyir.

1news.az xəbər verir ki, bu haqda 7NEWS.kz-da məlumat yayımlanıb.

Tanınmış politoloq Aydos Sarım özünün facebook səhifəsində Azərbaycana dəstəyini nümayiş etdirib.

"Biz Azərbaycanla bir yerdəyik. Qardaş xalqa qələbə arzu edirik!",- A.Sarım yazıb. Bu paylaşım 1000-ə yaxın bəyənmə toplayıb və onu yüzlərlə insan təkrar paylaşıb.

Bununla yanaşı, bir çox qazaxıstanlı facebook istifadəçiləri profillərində Azərbaycan və Qazaxıstan bayraqlarını paylaşaraq ölkəmizlə həmrəy oluğunu ifadə edib.

Məlum olduğu kimi qazaxlar və azərbaycanlılar- qohum etnoslardır, hər iki xalq türk xalqları qrupuna daxildir.

1news.az