XİN: Təxribatçı materialdan sonra “LifeNews”-un əməkdaşları Azərbaycandan çıxarılıb

“LifeNews” telekanalının əməkdaşları Azərbaycandan çıxarılıb”.

1news.az-ın verdiyi xəbərə görə, bunu Azərbaycanın Xarici İşlər Nazirliyinin mətbuat xidmətinin rəhbəri Hikmət Hacıyev bildirib.

Onun sözlərinə görə, “LifeNews”-un əməkdaşları respublika ərazisinə akkreditasiya olunmadan daxil olublar, bundan əlavə real vəziyyəti təhrif ediblər, həqiqətə uyğun olmayan material hazırlayıblar.

“Azərbaycan tərəfi onlara münasibətdə xoş niyyət göstərib. Lakin “LifeNews”-un əməkdaşları öz təxribatçı fəaliyyətlərini davam etdiriblər. Bütün bunları nəzərə alaraq onların Azərbaycanda qalmaları məqsədsizlik kimi qiymətləndirilib”.

H.Hacıyev xatıladıb ki, “LifeNews” daha əvvəl də Azərbaycan-Ermənistan Dağlıq Qarabağ münaqişəsi barədə təhrif olunmuş məlumatlar təqdim etmişdi.

Xatırladaq ki, Rusiyanın “Life News” telekanalı Tərtərdən reportajhazırlayarkən təxribata yol veriblər, həqiqətə uyğun olmayan material təqdim ediblər.

Müxbir bəyan edib ki, sakinlər təlaş içindədir və kütləvi surətsdə öz evlərini tərk edirlər.

Tərtərin girişində 15 maşın saxlanan avtodayanacaqda dayanan müxbir bildirir ki, rayondan sakinlər bütün ailə ilə buraya gəlir, öz maşınlarında yatır və evlərinə qayıtmağa qorxurlar. Guya ki, çoxları başqa şəhərlərə gedirlər.

Lakin kadrlardan göründüyü kimi, demək olar ki, maşınların çoxu boşdur.

Xatırladaq ki, aprelin 1-dən 2-nə keçən gecə erməni silahlı qüvvələri Azərbaycanın yaşayış məntəqələrini güclü artilleriyalardan atəşə məruz qoyub.

Azərbaycan Ordusunun qısa müddətdə həyata keçirilən sürətli əks-həmlə zamanı erməni birləşmələrinin uzun illərdən bəri mühəndis-istehkam baxımından möhkəmləndirdiyi birinci müdafiə xətti cəbhənin bəzi istiqamətlərində yarılıb, strateji əhəmiyyətə malik bir neçə yüksəklik və yaşayış məntəqələri düşməndən tam azad olunub.

1news.az