Yaponiyada zəlzələ qurbanlarının sayı 41 nəfərə çatıb - FOTO - VİDEO - YENİLƏNİB

Son iki gündə Yaponiyanın cənubunu silkələyən zəlzələlər nəticəsində həlak olanların sayı 41 nəfərə çatıb.

Bu barədə aprelin 16-da Kumamoto prefekturasının hakimiyyət orqanları məlumat verib.

Məlumatda qeyd edilir ki, iki mindən çox insan xəstəxanalara yerləşdirilib və onlardan 170-nin vəziyyəti çox ağırdır.

Xəbər verdiyimiz kimi, ötən gecə Yaponiyanın cənub-qərbini silsilə zəlzələlər baş verib və onlardan ən güclüsü 7,3 bal gücündə olub. Təbii fəlakət nəticəsində çoxsaylı dağıntılar və torpaq sürüşmələri qeydə alınıb. Meteoroloqların məlumatına görə, zəlzələnin afterşokları hələ bir neçə gün davam edə bilər.

Axtarış-xilasetmə əməliyyatlarında özünümüdafiə qüvvələrinin, polis və yanğınsöndürmə idarəsinin 20 mindən çox əməkdaşı iştirak edir.

Baş nazir Şinzo Abe ölkənin cənub-qərbində başlayan leysan yağışlar nəticəsində torpaq sürüşmələrinin artması təhlükəsi ilə əlaqədar sonrakı dağıntıların baş verməməsi üçün bütün qüvvələrin səfərbər edilməsi barədə göstəriş verib.

09:49

Yaponiyanın Kumamoto prefekturasında baş vermiş 6,5 bal gücündə zəlzələ nəticəsində ölənlərin sayı 9-a, yaralıların isə 760-a çatıb.

1news.az-ın “RİA Novosti”yə istinadən verdiyi xəbərə görə, bunu Tokioda mətbuat konfransında hökumətin baş katibi Yosixido Suqa bildirib.

Zəlzələnin episentri Küsü adasının Kumamoto prefekturasında, 20 km dərinlikdə qeyd alınıb. 

Qeyd edək ki, 6,5 bal gücündə zəlzələ baş verdikdən bir müddət sonra ardıcıl olaraq  4,2, 4,5, 5, 5,7 və 6,4 bal gücündə afteşok qeydə alınıb. 

1news.az

Earthquake of seismic intensity 7 in Japan Kumamoto pic.twitter.com/qhKqRrz0sO — Art of ZIPANGU (@ArtZipangu) April 14, 2016

0:07

Yaponiyanın Kumamoto prefekturasında baş vermiş 6,5 bal gücündə zəlzələ nəticəsində azı 3 nəfər ölüb, 200 nəfər yaralanıb.

Yeraltı təkanlardan ən çox Masiki qəsəbəsi zərər çəkib. TNK telekanalı orada 20 binanın uçduğunu, yanğınların baş verdiyini və magistral yolunun sıradan çıxdığını bildirir.        

Zəlzələnin episentri Küsü adasının Kumamoto prefekturasında, 20 km dərinlikdə qeyd alınıb.    

Qeyd edək ki,  6,5 bal gücündə zəlzələ baş verdikdən bir müddət sonra ardıcıl olaraq  4 baldan yuxarı afteşok qeydə alınıb.

Gazeta.ru