Ermənistan Müdafiə Nazirliyi hərbçilərlə ünsiyyətə məhdudiyyət qoyur

Ermənistanın Müdafiə Nazirliyi erməni silahlı qüvvələrinin hərbçiləri ilə istənilən ünsiyyət saxlanılmasına məhdudiyyətlər qoyur.

1news.az-ın verdiyi xəbərə görə, bu haqda aprelin 15-də, cümə günü “Sputnik Armeniya” agentliyi məlumata yayıb.

Məlumatda qeyd olunur ki, “məhdudiyyətlər hərbçilərin xidmət zamanı təhlükəsizliyini təmin etmək məqsədilə həyata keçirirlir”.

“Ermənistanın Müdafiə Nazirliyi hərbçilərin təklükəsizliyinin qorunması məqsədilə telefon və ya internet vasitəsilə hərbi xidmətlə bağlı məsələləri müzakirə etməməyə çağırır, bu, yayılmış video-müraciətdə bildirilir”.

“Həmçinin təhlükəsizlik məqsədilə qohumlar və hərbçilər arasında da ərbi xidmətlə bağlı məsələləri müzairə etməyə məhdudiyyətlər qoyulur. Əmin olun ki, ilk fürsətdə vətən keşikçiləri özləri sizlərlə əlaqə saxlayacaq”, - Ermənistan Müdafiə Nazirliyinin məlumatında qeyd olunur.

Bununla belə, erməni tərəfinin bu cür radikal addım atmasına, əsgərləri cəmiyyətdən təcrid etməsinə nə vadar etdiyi dəqiqləşdirilmir.

Ola bilsin ki, Azərbaycan tərəfinin erməni hərbi qurumuna uğurlu kiber-hücumunun nəticəsidir. Belə ki, daha əvvəl Azərbaycan Silahlı Qüvvələri “erməni pilotsuz uçan aparatını” cəbhə bölgəsində uçduğuna görə məcburi endiriblər.

“Cəbhə bölgəsində Silahlı Qüvvələrimizin mövqeləri üzərində uçuşlar həyata keçirməyə cəhd göstərən Ermənistan silahlı qüvvələrinə məxsus "X-55" tipli pilotsuz uçuş aparatı (PUA) Azərbaycan Silahlı Bölmələri tərəfindən xüsusi üsulla endirilib”, - deyə Azərbaycan Müdafiə Nazirliyinin 7 apreldə yaydığı məlumatda qeyd olunur.

1news.az