Davudoğlu AŞPA-nın sessiyasında çıxış edəcək

Türkiyənin Baş naziri Əhməd Davudoğlu Strasburqa gedib.

1news.az-ın “Anadolu” agentliyinə istinadla verdiyi xəbərə görə, səfərdə Baş naziri Türkiyənin Avropa İttifaqı işləri üzrə naziri Volkan Bozkır və XİN rəhbəri Mövlud Çavuşoğlu müşayiət ediblər.

Səfər çərçivəsində Əhməd Davudoğlu Avropa Şurası Parlament Assambleyasının prezidenti Pedro Aqramunt, Avropa Komissiyasının prezidenti Jan-Klod Yunker, Avropa Şurasının baş katibi Torbyorn Yaqland və Avropa İnsan Hüquqları Məhkəməsinin sədri Quido Raymondi ilə görüşəcək.

Türkiyənin Baş naziri həmçinin Avropa Şurası Parlament Assambleyasının yaz sessiyasında çıxış edəcək.

1news.az