Şimali Koreyada toy və yas mərasimlərinə müvəqqəti qadağa qoyulub

Şimali Koreyanın lideri Kim Çen In Əmək Partiyasının qurultayınadək ölkədə toy və yas mərasimlərinə qadağa qoyub.

1news.az-ın APA-ya istinadla verdiyi xəbərə görə, paytaxt Pxenyan şəhərinə bütün giriş və çıxışlar bağlanacaq.

“Bu addım təhlükəsizliyin möhkəmləndirilməsi və qurultayın nümunəvi şəkildə keçirilməsinə yönəlib”, - rəsmi mənbələr bildirib.

Şimali Koreyada  son 36 ildə ilk dəfə Əmək Partiyasının qurultayı keçiriləcək. Hakim partiyanın sayca VII qurultayı mayın 6-a planlaşdırılıb.

1news.az