Kriştiano Ronaldo bu yay PSJ-yə keçə bilər
“Real” klubunun hücumçusu Kriştiano Ronaldo bu yay PSJ-yə keçidi ilə bağlı qarşı tərəflə şifahi razılıq əldə edib.
1news.az-ın mirror.co.uk saytına istinadən verdiyi xəbərə görə, bu barədə ulduz futbolçunun agenti Jorje Mendeş məlumat verib.
Qeyd edək ki, portuqaliyalı futbolçunun Fransa klubuna keçəcəyi ilə bağlı xəbərlər çoxdandır ki, yayılmaqdadır. Ronaldonun keçən ilin payızında PSJ-nin prezidenti Nasir əl-Xəlaifi ilə görüşündən sonra isə şayiələr daha inandırıcı görünməyə başlayıb.
Bütün diqqətini Çempionlar Liqasının Milanda keçiriləcək final görüşünə verən futbolçunun özü isə yayılan şayiələrlə bağlı hələ ki, açıqlama verməyib.
Yayılan başqa bir xəbərə görə, Ronaldo “Real”da qalmaq və müqaviləsinin müddətini daha iki il (2020-ci ilə qədər) artırmaq istəyir.
1news.az
