Göyçay sakini ov tüfəngi ilə həmyerlisini güllələdi

Göyçay rayonunda güllələnmə hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, mayın 15-də Göyçay rayonunun Alıkənd kəndində kənd sakini Raqif Məmmədov münaqişə zəminində ov tüfəngindən açdığı atəşlə həmkəndlisi Nurlan Məmmədova xəsarət yetirib hadisə yerini tərk edib.

Göyçay Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində R.Məmmədov tutulub, hadisə törədilərkən istifadə edilmiş müvafiq sənədi olmayan İJ-17 markalı ov tüfəngi götürülüb.

1news.az