Ağstafada ev yanıb

Ağstafa rayonunda evlərdən birində yanğın olub.

1news.az-ın Fövqəladə Hallar Nazirliyinə istinadən verdiyi xəbərə görə, sözügedən rayonun Dağ Kəsəmən kəndində (rayon mərkəzindən 6 km aralı) vətəndaşa məxsus ümumi sahəsi 80 kv.m olan birmərtəbəli 2 otaq və aynabənddən ibarət evin 1 otağının yanar konstruksiyaları 17 kv.m sahədə, həyətyanı sahədə tikilmiş ümumi sahəsi 28 kv.m olan yardımçı tikilinin içərisinə yığılmış ev əşyaları yanıb.

Evin qalan hissəsi və yardımçı tikiliyə bitişik talvar yanğından mühafizə olunub. Yanğın saat 02:43-də yanğınsöndürənlər tərəfindən söndürülüb.

1news.az