28 May – Respublika Günü münasibətilə ağacəkmə aksiyası - FOTO

Azərbaycan Kardiologiya Cəmiyyəti Ekologiya və Təbii Sərvətlər Nazirliyinin dəstəyi ilə 28 May – Respublika Günü münasibətilə Zığ dairəsi-Hava Limanı avtomobil yolunun 22-ci kilometrliyində iməcilik keçirib.

Cəmiyyətdən AZƏRTAC-a bildiriblər ki, iməcilikdə Azərbaycan Kardiologiya Cəmiyyətinin 40-a yaxın həkim-kardioloqu, yaşıllaşdırma idarəsinin işçiləri iştirak ediblər.

Aksiya çərçivəsində yaşıllaşdırma məqsədilə 600 ədəd zeytun ağacı əkilib.