Qırmızı Xaç təsdiq edib ki, Azərbaycan vətəndaşı Ermənistanda saxlanılır

Beynəlxalq Qızıl Xaç Komitəsi (BQXK) Ermənistan ərazisinə keçmiş qadınla bağlı vəziyyəti izləyir.

1news.az-a Beynəlxalq Qızıl Xaç Komitəsinin (BQXK) mətbuat xidmətinin nümayəndəsi İlahə Hüseynovanın verdiyi xəbərə görə, BQXK bu haqda məlumatı erməni hökumətiunə çatdırıb:

“Hazırda bununla bağlı təmsil etdiyi qurum mandatına uyğun olaraq, bu məsələni izləyir və aidiyyəti orqanlarla əlaqə saxlayır”.  

İ.Hüseynova əlavə edib ki, BQXK-nin münaqişə nəticəsində saxlanılan şəxslərə baş çəkmə, onların ailə üzvləri ilə əlaqə saxlamalarına yardımçı olma, onların saxlanma şəraitinin və onlarla rəftarı monitorinq etmək mandatı var. BQXK tərəflərin müraciəti olduqda və şəxs özü arzusunu bildirdikdə təşkilat onun geri qaytarılmasında neytralı vasitəçi ola bilər.

Xatərladaq ki, Ermənistan mətbuatı Azərbaycanın Tovuz rayonunun Yanıqlı kənd sakini, 1977-ci il təvəllüdlü Zöhrə Vardzar qızı Vəliyevanın Ermənistana keçməsi barədə məlumat yayıb. Bu barədə Ermənistanın Əsir və itkin düşmüş, girov götürülmüş vətəndaşlarla əlaqədar işçi qrupunun rəhbəri Armen Kaprielyan “Novosti Armeniya”ya bildirib.   

Qeyd edək ki, azərbaycanlı qadın sadəcə olaraq yolu səhv salaraq erməni tərəfə keçm'si istisna deyil. Bu hal bir neçə dəfə təkrarlanıb, belə ki, 2014-cü ilin sentyabrın 5-də ermənilər Azərbaycan vətəndaşı 15 yaşlı məktəbli Cavid Məmmədovu əsir götürmüşdü. O, balıq tutmağa gedərkən yolu azmışdı.

1news.az