Azərbaycan Avropa çempionatında Ermənistana 3:0 hesabı ilə qalib gəldi

Xorvatiyanın Zagreb şəhərində yeniyetmələr və gənclərin stolüstü tennis üzrə Avropa çempionatına strat verilib.

1news.az-ın verdiyi məlumata əsasən, iyulun 17-dək davam edəcək çempionat Azərbaycan millisi üçün uğurla başlayıb.

İlk oyunda Ermənistan yığması ilə qarşılaşan oğlanlardan ibarət milli komandamız 3:0 hesabı ilə qalib gəlib.

Komandamızın öz qrupunda növbəti rəqibləri Estoniya və İsrail komandaları olacaq.

İlk görüşlər qızlardan ibarət millimiz üçün də uğurlu olub.

Lüksemburq və Avstriya  komandalarına 3:0 hesabı ilə qalib gələn yığma komandamız növbəti oyunlarını Bosniya-Herseqovina, Avstriya, İspaniya komandaları ilə keçirəcək.

1news.az