Millimiz bir pillə irəliləyib

FİFA milli komandaların növbəti reytinq cədvəlini açıqlayıb.

1news.az-ın məlumatına görə, ötən ayla müqayisədə Azərbaycan milli komandası 1 pillə irəliləyərək 253 xalla 137-ci pillədə qərarlaşıb.

Millimizin irəliləməsinə Robert Prosineçkinin yetirmələrinin Kanada ilə keçirdiyi yoxlama matçındakı 1:1 hesablı bərabərə qalması nəticəsində aktivinə 1 xal əlavə etməsi kömək edib.

Dünya reytinqinə isə Argentina millisi başçılıq edir. Sonrakı yerlərdə Belçika, Kolumbiya, Almaniya, Çili, Portuqaliya, Fransa, İspaniya, Braziliya və İtaliya qərarlaşıb.

1news.az