“Qarabağ”la “Kəpəz” Avrokuboklarda cavab matçına çıxırlar

Avrokuboklarda mübarizə aparan təmsilçilərimizdən “Qarabağ” və “Kəpəz” bu gün, müvafiq olaraq, UEFA Çempionlar Liqası və UEFA Avropa Liqası turnirlərinin ikinci təsnifat mərhələsində cavab oyunu keçirəcəklər.

1news.az-ın məlumatına görə, ölkəmizin Çempionlar Liqasında yeganə təmsilçisi “Qarabağ” Lüksemburqda “Düdelanj”ın qonağı olacaq.

İlk görüşdə 2:0 hesablı qələbə qazanan Azərbaycan çempionunun mərhələ adlamaq şansını daha çoxdur. Növbəti mərhələyə adlayan komanda isə III təsnifat mərhələsində “Viktoriya” (Plzen) ilə üz-üzə gələcək.  

“Qarabağ”dan fərqli olaraq “Kəpəz” bu gün “Admira” ilə cavab oyununu evdə keçirəcək.

İlk görüşdə 0:1 hesabı ilə uduzan Gəncə təmsilçisi növbəti mərhələyə adlamaq üçün Bakıda mütləq qələbə qazanmalıdır.

“Kəpəz” bu dueldən üzüağ çıxsa, növbəti mərhələdə Çexiya təmsilçisi “Slovan”la (Liberets) üz-üzə gələcək.

UEFA ÇL. II təsnifat mərhələsi, cavab oyunu

“Düdelanj” (Lüksemburq) – “Qarabağ” – ilk oyun 0:2

Düdelanj. Jos Nosbaum stadionu. Saat 20:00
Baş hakim: Kevin Clancy
Baş hakimin köməkçiləri: Stuart Stevenson, Sean Carr
Dördüncü hakim: Donald Robertson
(Hakimlər briqadası Şotlandiyadandır)
UEFA nümayəndəsi: Eamon Naughton  (İrlandiya)
Hakim-inspektor: Alexandru Deaconu (Rumıniya)
 
UEFA AL. II təsnifat mərhələsi, cavab oyunu
“Kəpəz” – “Admira” (Avstriya) – ilk oyun 0:1

“Dalğa Arena”. Saat 20:00
Baş hakim: Vitali Meşkov
Baş hakimin köməkçiləri: Valeri Dançenko , Maksim Qavrilin
Dördüncü hakim: Mixail Vilkov
(Hakimlər briqadası Rusiyadandır)
UEFA nümayəndəsi: Sergey İlyiç  (Belarus)
Hakim-inspektor: Murat İlqaz (Türkiyə)

1news.az