Naməlum şəxs Olimpiya məşəlini oğurlamaq istədi – VİDEO

Gələn ay Braziliyanın Rio-de-Janeyro şəhərində keçiriləcək Olimpiya Oyunları ərəfəsində maraqlı hadisə baş verib.

1news.az-ın məlumatına görə, Olimpiya məşəlinin San-Paolo ştatının Quarulyus şəhərində estafeti zamanı naməlum şəxs “Rio-2016” məşəlini oğurlamaq istəyib.

Lakin onun bu cəhdi baş tutumayıb. Belə ki, məşəli mühafizə edən qadınlardan biri onun qarşısını kəsib və nəticədə təhlükəsizlik əməkdaşları tərəfindən həmin adam yerindəcə zərərsizləşdirilib.

Az sonra məşəli daşıyan şəxs mühafizəçilərin müşayiəti ilə yürüşünü davam etdirib.

Aşağıdakı videoda isə Olimpiya məşəlinin daşınması zamanı baş verən maraqlı hadisələri təqdim edirik:

1news.az