“Qarabağ” Çexiyadan qolsuz bərabərliklə dönür – VİDEO
Çempionlar Liqasında III təsnifat mərhələsinə start verilib.
1news.az-ın məlumatına görə, turnirdəki yeganə təmsilçimiz “Qarabağ” səfərdə Çexiyanın “Viktoriya” klubunun qonağı olub.
Üstünlük daha çox meydan sahiblərində olsa da, bu üstünlükdən yararlana bilməyiblər. “Qarabağ” da rəqib qapısına yol tapmaqda çətinlik çəkib.
Təmsilçimiz matçın 75-ci dəqiqəsində plzenlilərin azlıqda qalmasından da istifadə edə bilməyib və nəticədə qarşılaşma qolsuz bərabərliklə başa çatıb.
Qeyd edək ki, komandalar arasında cavab oyunu avqustun 2-də Bakıda keçiriləcək.
Çempionlar Liqası
III təsnifat mərhələsi
İlk oyun
26 iyul
“Viktoriya” (Plzen, Çexiya) – “Qarabağ” (Ağdam, Azərbaycan) - 0:0
Qırmızı vərəqə: Yan Baranek, 75
Baş hakim: Aleksandar Stavrev
Baş hakimin köməkçiləri: Maryan Kirovski, Deyan Kostadinov
Dördüncü hakim: Dimitar Mekarovski (hamısı Makedoniya)
Hakim-inspektor: Raymond Ellingem (Uels)
UEFA nümayəndəsi: İonel Piskanu (Rumıniya)
Plzen. “Dusan Arena” stadionu
1news.az
