Yığmamızın oyunçusu “Qalatasaray”la müqavilə bağladı

Azərbaycan millisinin basketbolçusu Orxan Aydın özünə yeni komanda tapıb.

1news.az-ın Galatasaray-ın rəsmi saytına istinadla verdiyi xəbərə görə, 27 yaşlı həmyerlimiz karyerasını “Qalatasaray” klubunda davam etdirəcək.

İstanbul təmsilçisi ilə danışıqları müsbət yekunlaşdıran Orxan artıq 1 illik rəsmi müqaviləyə də imza atıb.

Qeyd edək ki, klub karyerası Türkiyə ilə bağlı olan 203 sm boya malik basketbolçu son mövsümü “Acıbadem Universiteti”ndə keçirib.

1news.az