“Barselona”dan qəribə transfer: futbolçu verəcək, basketbolçu alacaq

“Barselona” klubu son illərin ən qəribə transferlərindən birini reallaşdırmaq istəyir.

1news.az goal.com-a istinadən xəbər verir ki, “Barselona” əsas heyətə düşə bilməyən 26 yaşlı braziliyalı futbolçusu Duqlası “Alaves”ə satmaq istəyir.

Maraqlısı budur ki, “Barsa” Duqlasın qarşılığında “Alaves”in  basketbol komandası olan “Laboral Kutxa”da forma geyinən Adam Hanqanı istəyir. Əgər razılaşmaq əldə olunarsa 27 yaşlı macar basketbolçu “Barselona Lassa” basketbol komandasında oynayacaq.

Qeyd edək ki, 2014-cü ildə San-Paulo klubundan transfer edilən Duqlas, “Barselona” heyətində iki ildə cəmi 8 oyun keçirib və qol vura bilməyib.

1news.az