“Neftçi” və “Sumqayıt” mövsümə qələbə ilə başladı, “Qarabağ” məğlub oldu – VİDEO

Avqustun 6-da futbol üzrə Azərbaycan çempionatında 2016/17 mövsümünə start verilib.

1news.az-ın məlumatına görə, yubiley – 25-ci birinciliyin açılış turununun ilk oyun günündə iki qarşılaşma baş tutub.

İlk olaraq meydana AZAL-la “Neftçi” komandaları çıxıb. “AZAL Arena”da keçirilən matç 2:0 hesabı ilə qonaqların xeyrinə başa çatıb.

Günün ikinci qarşlaşması isə Zirə İdman Kompleksinin stadionunda oynanılıb. Səfərdə “Zirə”nin qonağı olan “Sumqayıt” vurduğu yeganə qolla aktivinə 3 xal yazdırıb.

Turun ikinci oyun günündə azarkeşlər bir qarşılaşmaya şahidlik ediblər. Ölkə çempionu “Qarabağ”ı qonaq edən “İnter” hesabda geri düşsə də, sonradan rəqibin qapıdına iki dəfə yol tapmaqla oyundan qələbə ilə ayrılmağı bacarıb.

Qeyd edək ki, bu gün turun son qarşılaşması baş tutacaq. Belə ki, “Qəbələ” öz meydanında “Kəpəz”i qonaq edəcək. “Dalğa Arena”da keçiriləcək görüşə saat 19:00-da start veriləcək.

Topaz Premyer Liqası

I tur

6 avqust (şənbə)

AZAL – “Neftçi” - 0:2

Qollar: Elvin Bədəlov, 60, Rəhman Hacıyev, 70

Qırmızı vərəqələr: Ruslan Nəsirli, 37 - Jairo, 37

Hakimlər: Rəhim Həsənov, Namiq Hüseynov, Akif Əmirəli, Coşqun Həsənov

Əlavə köməkçi hakimlər: Ramil Diniyev, Rəvan Həmzəzadə

AFFA nümayəndəsi: Ramiz Mustafayev

Hakim inspektor: Asim Xudiyev

“AZAL Arena”

“Zirə” – “Sumqayıt” - 0:1

Qol: Vaqif Cavadov, 74

Hakimlər: Orxan Məmmədov, Yaşar Abbasov, Mehman Mahmudov, Rövşən Rəcəbov

Əlavə köməkçi hakimlər: Əliyar Ağayev, Ömər Paşayev

AFFA nümayəndəsi: Ramiz Abdullayev

Hakim inspektor: Füzuli Nəcəfov

Zirə İdman Kompleksinin stadionu

7 avqust (bazar)

“İnter” – “Qarabağ” - 2:1

Qollar: Ruslan Abışov, 69, 74 - Reynaldo, 10

Hakimlər: Əliyar Ağayev, Zeynal Zeynalov, Rza Məmmədov, Mübariz Haşımov

Əlavə köməkçi hakimlər: Rauf Cabbarov, İnqilab Məmmədov

AFFA nümayəndəsi: Abbas Hüseynov

Hakim inspektor: Məlik Həsənov

“İnter Arena”

1news.az