“Fənərbaxça”-nın keçmiş oyunçusu polis tərəfindən öldürülüb

“Aston Villa”, “Mançester Siti” və “Fənərbaxça” klublarının keçmiş hücumçusu Delian Atkinson polis tərəfindən ona qarşı istifadə olunan elektroşokerin təsirindən həyatını itirib.

1news.az-ın verdiyi məlumata əsasən, şahidlər 48-yaşlı Atkinsonun bazar ertəsi günü İngiltərənin Telford şəhərinin küçələrinin birində qışqırdığını və tapançadan atəş açdığını bildiriblər.

Hadisə yerinə gələn polis sabiq futbolçunu zərərsizləşdirmək üçün elektroşokerdən istifadə edib.

Bundan sonra D.Atkinsonda ürək tutması baş verib.

Atkinson xəstəxanaya aparılarkən yolda keçinib.

1news.az