Azərbaycana mobil telefonların qaçaqmalçılıq yolu ilə gətirilməsi cəhdinin qarşısı alınıb

Tovuz Gömrük İdarəsinin "Sınıq Körpü" gömrük postunda Gürcüstandan Azərbaycan Respublikası ərazisinə mobil telefonların qaçaqmalçılıq yolu ilə gətirilməsi cəhdinin qarşısı alınıb.

1news.az-a Dövlət Gömrük Komitəsindən verilən xəbərə görə, Azərbaycan vətəndaşının idarə etdiyi avtomobilə gömrük nəzarəti zamanı həmin nəqliyyat vasitəsinin gizli saxlanc yerlərindən 58 ədəd müxtəlif markalı mobil telefon və bu telefonlara aid külli miqdarda aksessuar aşkarlanıb.

Faktla bağlı araşdırma aparılır.

1news.az