Ev sahibini bıçaqla hədələyən “təmir ustası” tutulub

Avqustun 3-də Nəsimi rayonu ərazisində yaşayan Ulduz Rüstəmova 20-ci PB-yə müraciət edərək avqustun 2-də evində usta işləmiş Akif adlı şəxsin onu bıçaqla hədələyib 270 manat pulunu, qızıl üzüyünü və 1 cüt qızıl sırğasını almasını bildirmişdir.

Daxili İşlər Nazirliyindən 1news.az-a verilən məlumata əsasən, Nəsimi rayonu RPİ 20-ci PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakini Akif Vəzirov tutulmuşdur.

Nəsimi RPİ tərəfindən araşdırma aparılır.

1news.az