Çavuşoğlu: Məqsədimiz İŞİD-i şimaldan aşağı doğru sıxışdırmaqdır

Türkiyənin xarici işlər naziri Mövlud Çavuşoğlu estoniyalı həmkarı Marina Kaljurandla birgə mətbuat konfransında Türkiyənin Suriyada İŞİD-ə qarşı apardığı əməliyyata toxunub.

1news.az-ın Anadolu Ajansı-na istinadən verdiyi məlumata əsasən, Çavuşoğlu Türkiyənin İŞİD-i şimaldan aşağı doğru sıxışdırmaq məqsədi güddüyünü qeyd edib.

"Biz başından bəri ABŞ-la bunu planlaşdırmışdıq. ABŞ HIMARS tətbiq edəcəkdi, lakin təssüf ki onlar hələ də gətirilməyib. Hazırki əməliyyatda biz əlimizdə olan imkanlardan, həmçinin tanklardan, lazımi qaydada istifadə edirik. Mülayim müxalifət də burdadır. Axşamdan bu yana Türkiyə Silaqhlı Qüvvələri planlaşdırılan əməliyyatı uğurla yerinə yetirir. Havadan dəstək məsələsində də koalisiya ilə birliktə iş görürük", - deyə XİN rəhbəri əlavə edib.

PKK terrorçu təşkilatının Suriya qolu sayılan YPG barəsində danışan Çavuşoğlu onun də Fərat çayının şərqinə keçməli olduğunu vurğulayıb.

"ABŞ buna söz verib. Biz bu şərtlə razılaşmışıq. Açıq deyirəm, əks təqdirdə lazım olanı edəcəyik", - deyə Türkiyənin xarici işlər naziri vurğulayıb.

1news.az