“Qarabağ” və “Qəbələ” qrup mərhələsinin astanasında

Bu gün UEFA Avropa Liqası turnirində çıxış edən təmsilçilərimiz “Qarabağ” və “Qəbələ” play-off mərhələsində cavab oyununu keçirəcəklər.

1news.az-ın məlumatına görə, ölkə çempionu “Qarabağ” səfərdə minimal hesabla məğlub olduqları “Höteborq”u Bakıda məğlub edərək qrup mərhələsinə çalışacaq.

“Qarabağ” qələbə qazansa, Avropa Liqasında özünün 20-ci, Azərbaycan klublarının isə 50-ci qalibiyyətinin müəllifi olacaq.

Avropa Liqasında mübarizə aparan digər təmsilçimiz “Qəbələ” isə cavab görüşünə səfərdə çıxacaq.

İlk matçda öz meydanında “Maribor”a 3:1 hesabı ilə qalib gələn “qırmızı-qaralar” səfərə üstünlüklə yollanıb.

Avropa Liqası

Play-off, cavab oyunları

25 avqust

“Qarabağ” – “Höteborq” (İsveç) – ilk oyun 0:1

Tofiq Bəhramov adına Respublika stadionu. Saat 20:30

Baş hakim: Vladislav Bezborodov

Baş hakimin köməkçiləri: Valeri Danchenko , Maksim Gavrilin

Dördüncü hakim: Kirill Levnikov

(Hakimlər Rusiyadandır)

UEFA nümayəndəsi: Johny Vanspauwen  (Belçika)

Hakim-inspektor: Michael Thomas Ross  (Şimali İrlandiya)

“Maribor” (Sloveniya) – “Qəbələ” – ilk oyun 1:3

Maribor. Stadion Ljudski vrt. Saat 22:15

Baş hakim: Viktor Kassai

Baş hakimin köməkçiləri: György Ring, Vencel Toth

Dördüncü hakim: Tamas Bognar

(Hakimlər Macarıstandandır)

UEFA nümayəndəsi: Christian Bonett  (Malta)

Hakim-inspektor: İqor İschenko  (Ukrayna)

1news.az