Zabit Səmədov: "Mənə inandığı üçün Ramzan Kadırova təşəkkür edirəm" - FOTO - VİDEO
Məlum olduğu kimi azərbaycanlı K-1 döyüşçüsü Zabit Səmədov Çeçenistanın ilk prezidenti Əhməd-Hacı Kadırovun xatirəsinə həsr olunmuş peşəkar kikboksinq turnirində Muay Thai versiyası üzrə dünya çempionu titulunu qazanıb.
1news.az-ın verdiyi xəbərə görə, Zabit Səmədov öz Instagram hesabında Ramzan Kadırovla birlikdə olan fotosunu paylaşıb və bu sözləri yazıb:
"Qələbə - kimlərinsə sənə inanmağını anlamaqdır. Mənə inandığı üçün Ramzan Kadırova təşəkkür edirəm. O mənə güc, sakitlik və nəticə verdi. Qələbəmiz birliyimizdədir. Təşəkkür edirəm böyük qardaşım".
Məlumat üçün bildirək ki, Zabitin qələbəsinə ən çox sevinənlərdən biri Rusiya Federasiyasına bağlı Çeçen Respublikasının dövlət başçısı Ramzan Kadırov olmuşdu. Kadırov qələbədən sonra rinqə çıxaraq Zabiti qucaqlamışdı.
Mövzu ilə əlaqədar oxuyun:
Timati, Ramzan Kadırov və Zabit Səmədov: "Biz bunu bacardıq" - FOTO - VİDEO
Azərbaycanın “Mauqli”si: 87 qələbə, 37 nakaut - FOTO - VİDEO
Cəmil Abbasov
