Bakıda “Kəndimiz” kənd təsərrüfatı məhsullarının satış bazarı açılıb – FOTO – VİDEO
Avqustun 27-də “Kəndimiz” kənd təsərrüfatı məhsullarının satışı bazarının açılış mərasimi baş tutub.
Bazar Bakıda 20 Yanvar metrosunun yanında, “Velotrek” Ticarət Mərkəzinin yaxınlığında yerləşir. Sahibkarlara dəstək, fermerlərin öz məhsullarını yüksək şəraitli bazarda satması üçün “Kəndimiz”də hər cür şərait yaradılıb. “Kəndimiz” kənd məhsullarının satışı bazarının direktoru Kamal İbrahimov bildirib ki, bazarda yalnız sağlam, ekoloji təmiz məhsullar satılacaq:
“Bazarda müasir standartlara uyğun işıqlandırma sistemi, hündür tavan, təmiz döşəmə, su-kanalizasiya sistemi var. Alıcıların parkinqlə bağlı probelmləri də həll edilib. Burada 200 maşınlıq avtodayanacaq qurulub. Müştərilərin rahatlığı üçün əl arabaları ayrılıb. Onlar aldıqları məhsulu dayanacağa qədər arabalar vasitəsi ilə daşıya bilər. Bu başqa bazarlarda olmayan yenilikdir”.
Açılışda Kənd Təsərrüfatı Nazirliyin nümayəndələri iştirak edib. Qonaqlar qaşısında Azərbaycan estradasının ulduzları Elariz, İlqar Sahil, “Kristal” qrupu və başqaları çıxış edib.
Açılış günü və son beş gün ərzində bütün məhsullara 50% endirim nəzərdə tutulub. Bütün məhsullar ekoloji cəhətdən təmiz və kənddən gətirilib. Bazar rəhbərliyi şəxsən qiymətləri izləyəcək ki, bahalaşmasın və hər zaman alıcılar üçün əl çatan olsun.
