Olimpiya çempionunun itən medalı zibillikdən tapıldı
1992-ci ildə İspaniyanın Barselona şəhərində keçirilmiş Yay Olimpiya Oyunlarında qızıl medal qazanmış amerikalı kanoeçi Co Yakobinin medalı oğurlanmışdı.
1news.az Türkiyə mətbuatına istinadən xəbər verir ki, onun medalını Atlanta şəhərində 7 yaşlı bir qız tapıb.
O, atası ilə yolda gedərkən zibillərin arasında parıldayan bir cism görüb və atasına bildirib. Qızın atası həmin əşyanın medal olduğunu görüb və özündə saxlayıb. Daha sonra medalın Co Yakobi məxsus olduğunu öyrəndikdən sonra sahibinə verib.
Qeyd edək ki, 46 yaşlı keçmiş idmançı ailə ilə restoranda yemək yeyərkən oğrular avtomobilini soyublar. Naməlum şəxslər içində medal olan çantanı oğurlayıblar. Oğrular çantadakı dəyərli əşyaları götürüblər, lakin medalı sata bilməyəcəklərin düşündükləri üçün zibilliyə atıblar.
1news.az
