Zükerberq növbəti yeniliyi təqdim etməyə hazırlaşır
Mark Zükerberqin özü üçün hazırladığı süni zəka verilən məlumatlara görə bəzi işləri icra edə bilir.
1news.az Technote-yə istinadən xəbər verir ki, “Facebook” CEO-su Mark Zükerberq, bir müddət əvvəl, maraqlı açıqlama edərək şəxsi evinin özünün hazırladığı süni zəka tərəfindən idarə edildiyini bildirmişdi.
Romada keçirilən tədbirdə iştirak edən Mark süni zəkanın sahib olduğu bacarıqlardan danışıb. Mark süni zəkanın evin işıqlarını, qapılarını, otaq temperaturunu idarə etməyi bacardığını bildirib.
Həmçinin, Zükerberq sözü gedən layihənin demo versiyasını önümüzdəki ay təqdim edəcəklərini və bu işdə Facebook mühəndislərinin böyük rolu olduğunu bildirib. Mark bu yenilik vasitəsilə otağa daxil olduqda heç bir kod və ya başqa bir şeyə ehtiyac olmadığını, üz tanıma vasitəsilə içəri girişin mümkün olduğunu da sözlərinə əlavə edib.
1news.az
