Millimiz Dünya Kuboku-2017 turnirində seçmə mərhələnin ikinci raunduna vəsiqə qazanıb

Çimərlik futbolu üzrə FIFA Dünya Kuboku-2017 turnirinin İtaliyanın Yezolo şəhərində təşkil olunmuş Avropa komandaları arasında seçmə mərhələsində Azərbaycan millisi üçüncü oyununu keçirib.

1news.az-ın məlumatına görə, Bolqarıstan yığması ilə qarşılaşan millimiz qələbə qazanıb – 4:1.

Komandamızın qollarını Asif Zeynalov, Əbdül Əliyev, İlkin Hacıyev və Orxan Məmmədov vurub.

Beləliklə, ilk oyunda 2:3 hesabı ilə Fransa yığmasına məğlub olan, ikinci oyunda isə Macarıstan yığmasına 7:3 hesabı ilə qalib gələn millimiz seçmə mərhələnin ikinci raunduna vəsiqə qazanıb.

1news.az