Trump: Putin Obamadan daha yaxşı prezidentdir
Donald Trump rəqibi Hillary Clintonla birgə veteranların suallarına cavab verərkən Rusiya prezidenti Vladimir Putini tərifləyib.
1news.az-ın BBC-yə istinadən verdiyi məlumata əsasən, Respublikaçılardan prezidentliyə namizəd deyib ki, Rusiya prezidenti "bizim prezidentdən [Obama] daha yaxşıdır".
Həmin gün ABŞ müdafiə naziri Ash Carter Rusiyanı beynəlxalq qeyri-sabitlik toxumu səpməkdə ittiham edib.
Ağ Evə namizədlər çərşənbə gecəsi yarım saat aralarla çıxış ediblər.
NBC aparıcısı Matt Lauer-in Putinlə bağlı sualına cavab verən cənab Trump deyib: "Onun 82 faiz reytinqi var".
"Məncə onun məni dahi adlandırdığı komplimenti qəbul etməliyəm," cənab Trump əlavə edib.
O deyib ki, Putinin "ölkəsi üzərində mükəmməl nəzarəti var".
Trump həmçinin hesab edir ki, noyabr ayında seçilərsə, "Məncə onunla yaxşı münasibət saxlaya biləcəm".
Bu ilk dəfə deyil ki, cənab Trump Rusiya lideri barədə xoş sözlər deyir.
Keçən ilin dekabr ayında o demişdi ki, " Putinin onu istedadlı insan adlandırması böyük şərəfdir".
1news.az
