İtaliyada sürücü avtomibilini kütlənin üstünə sürdü

İtaliyanın Sardiyina əyalətində yerləşən Nule şəhərində bir kişi avtomobilini insan kütləsinin üzərinə sürüb, nəticədə 25 nəfər xəsarət alıb.

1news.az-ın xarici KİV-lərə istinadən verdiyi məlumata əsasən, 43-yaşlı baytara məxsus olan avtomobil kənd şənliyində idarəetməni itirib.

İlkin ehtimallara görə, sürücü sükan arxasında yatıb və ya huşunu itirib.

Xəsarət alanların həyat təhlükəsi yoxdur, lakin 3 nəfər, həmçinin kəllə-beyin travması alan 11 aylıq körpə ciddi xəsarətlər alıb.

Sürücünün özü qəza zamanı xəsarət almasa da, kütlədə olan naməlum şəxs ona bir-neçə bıçaq zərbəsi endirib. Hadisə yerinə gələn polis sürücünü linçdən xilas edə bilib.

Hal-hazırda o, xəstəxanda nəzarət altındadır.

Polis hadisənin təfərrüatlarını araşdırır.

1news.az