Paralimpiya Oyunlarında ilk medalımızı qazandıq

2016-cı il Rio-de-Janeyroda keçirilən Yay Paralimpiya Oyunlarında Azərbaycan ilk medalını qazanıb.

1news.az-ın məlumatına görə, cüdoçumuz Bayram Mustafayev mübarizəni gümüş medalla başa vurub.

66 kq çəki dərəcəsində yarışan idmançımız turnirə 1/4 finaldan start verib. O, ilk olaraq brazilyalı Oliviera Botoya qalib gələrək yarımfinala yüksəlib.

Təmsilçimizin yarımfinaldakı rəqibi yapon Satoşi Fujimoto olub. Bu dəfə də qələbəyə sevinən Mustafayev qızıl medal uğrunda özbəkistanlı Utkirjon Niqmatovla qarşılaşıb.

Həlledici görüşdə cüdoçumuzun rəqibi özbəkistanlı Utkirjon Niqmatov olub. Rəqibinə uduzan Mustafayev gümüş medalla kifayətlənib.

1news.az