Azərbaycan paralimpiyaçıları daha ik medal qazandı - FOTO

Rio-2016 Yay Paralimpiya Oyunlarında cüdoçu Rövşən Səfərov (81 kq) bürünc, atlet Yelena Çebanu isə gümüş medala layiq görülüb.

1news.az xəbər verir ki, cüdoçumuz yarışa 1/8 final mərhələsindən start verib.

İlk olaraq belaruslu Aleksandr Kazlounu yolundan kənarlaşdıran Səfərov 1/4 finalda ukraynalı Aleksandr Kosinova uduzub. Buna baxmayaraq, Kosinovun finala yüksəlməsi idmançımızın “bürünc” yolunu açıb.

Şansı əldən verməyən idmançımız əvvəlcə argentinalı Xose Effronu, daha sonra isə Böyük Britaniya təmsilçisi Conatan Dreyni məğlub edərək Braziliyadan medal qayıtmağı bacarıb.

Atletimiz isə 100 metrə məsafəyə qaçışda ikinci yeri tutub. Çebanu 11.71 saniyə nəticə göstərib. Paralimpiya çempionu isə kubalı Omara Durand olub – 11.40 saniyə.

Qeyd edək ki, hazırda Azərbaycan yığmasının 1 qızıl, 2 gümüş və 1 bürünc medalı var.

1news.az