AFFA “Rəvan”ın 3 xalını sildi, “Neftçi”ni 800 manat cərimələdi

FIFA 22.08.2016-cı il tarixində AFFA-ya məktub ünvanlayaraq FIFA-nın Nizam-İntizam Komitəsinin “Rəvan” klubu haqqında qərar qəbul etdiyini bildirib.

1news.az-ın məlumatına görə, qərarda “Rəvan” klubu ilə həmin klubda çıxış etmiş futbolçu Milos Adamovic arasında bağlanmış müqavilə şərtlərinə klubun riayət etmədiyi səbəbindən klubun cari mövsüm aktivindən 3 xal silinməsi göstərilib.

Yuxarıda göstərilənləri nəzərə alaraq, AFFA-nın İntizam Komitəsi aşağıdakı qərarı qəbul edib:

1. Azərbaycan birinci divizionunda çıxış edən “Rəvan” FK-nın cari mövsüm aktivindən 3 xal silinsin.

10 sentyabr 2016-cı il, 2016/2017 mövsümündə, XXV Topaz Premyer Liqasının IV turunun “Neftçi” – “Qəbələ” matçının 5-ci və 48-ci dəqiqələrində “Neftçi” klubunun azarkeşləri tərəfindən  pirotexniki vasitələrdən istifadə edildiyi üçün klub 800 manat cərimə olunur (maddə 52).

11 sentyabr 2016-cı il, 2016/2017 mövsümündə, XXV Topaz Premyer Liqasının IV turunun “Kəpəz” – “Zirə” matçında “Zirə” klubunun 5 futbolçusu sarı vərəqə ilə cəzalandığı üçün klub 800 manat cərimə olunur  (maddə 40). Oyunun 57-ci dəqiqəsində “Kəpəz” klubunun azarkeşləri tərəfindən meydançaya kənar əşyalar atıldığı üçün klub 1600 manat cərimə olunur (maddə 52).

9 sentyabr 2016-cı il, 2016/2017 mövsümündə, XXV Topaz Premyer Liqasının IV turunun “Qarabağ” – AZAL matçında ev sahibi “Qarabağ” klubu oyunu topdaşıyan uşaqlarla təmin etmədiyinə görə 400 manat cərimə olunur (maddə 67).

9 sentybar 2016-cı il, 2016/2017 mövsümündə, XXV Topaz Premyer Liqasında çıxış edən klubların əvəzedici heyətlərinin IV turunun “Neftçi” – “Qəbələ” matçının 79-cu dəqiqəsində “Neftçi” klubunun 44 №-li futbolçusu Sənan Əlizadə sonuncu ümid foluna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 80 manat cərimə olunur (maddə 48). Oyunun 57-ci dəqiqəsində “Neftçi” klubunun məşqçisi Vitali Kovalyov texniki zona qaydalarını pozduğuna görə texniki zonadan  kənarlaşdırıldığı üçün 1 oyun cəzalanır, klub 400 manat cərimə olunur(maddə 62).

12 sentyabr 2016-cı il, 2016/2017 mövsümündə, XXV Topaz Premyer Liqasında çıxış edən klubların əvəzedici heyətlərinin IV turunun “Kəpəz” – “Zirə” matçında “Zirə” klubunun 4 futbolçusu sarı vərəqə ilə cəzalandığı üçün klub 400 manat cərimə olunur  (maddə 40).

7 sentyabr 2016-cı il, 2015/2016 mövsümündə, Azərbaycan I divizionun I turunun “Rəvan” – “Turan Tovuz”  matçında ev sahibi “Rəvan” klubu oyunu topdaşıyan uşaqlarla təmin etmədiyinə görə 80 manat cərimə olunur (maddə 67).

7 sentyabr 2016-cı il, 2015/2016 mövsümündə, Azərbaycan I divizionun I turunun “Zaqatala” – “Şahdağ” matçında “Şahdağ” klubunun 4 futbolçusu sarı vərəqə ilə cəzalandığı üçün klub 80 manat cərimə olunur (maddə 40).

1news.az