Paralimpiya Oyunlarında Azərbaycan idmançılarından daha iki medal

Azərbaycan idmançısı Dmitri Saley Rio-de Janeyroda keçirilən XV Yay Paralimpiya Oyunlarında ikinci medalını qazanıb.

1news.az xəbər verir ki, Saley 50 metr məsafəyə sərbəst üsulla üzmə yarışlarının həlledici mərhələsində Dmitri 24,29 saniyə nəticə göstərərək gümüş medala layiq görülüb.

Dmitri Saley bundan əvvəl 100 metr məsafəyə brass üsulu ilə üzmədə gümüş medal qazanmışdı.

Bundan başqa, nizə atma yarışlarının final mərhələsində İradə Əliyeva gümüş medala layiq görülüb.

Qeyd edək ki, Azərbaycanın Riodakı  Paralimpiya Oyunlarında qazandığı medalların sayı 11-ə çatıb.

1news.az