Nazirlik uşağın cinsiyyətini əməliyyatla dəyişməklə bağlı KİV-də yayılmış xəbərə aydınlıq gətirib – TƏFƏRRÜAT

Sosial şəbəkələrdə Azərbaycanda cinsiyyətin əməliyyatla dəyişdirilməsilə bağlı yayılmış xəbər heç də düzgün deyilmiş.

1news.az-a Səhiyyə Nazirliyindən verilən xəbərə görə, söhbət doğuşdan hemafrodit (həm kişi, həm də qadın) olan uşağın cinsiyyətinin korreksiyasından gedir:

“İlkin mənbə qeyd edib ki, Səhiyyə Nazirliyi bu əməliyyata razılıq verib. Lakin biz, bu əməliyyata icazə verə bilməzdik. Çünki qanunvericilikdə belə hallar göstərilməyib. Nazirlik yalnız Istambul NS əməliyyat aparılması ilə bağlı icazə verib ki, bura da estetik tibb mərkəzidir. Beləliklə, ilkin mənbədə qeyd edilən məlumat səhvdir.

Əməliyyata gəlincə, bunun keçirilməsi vacib idi. Belə ki, əməliyyat keçirən uşaq doğuşdan hemafrodit diaqnozu ilə doğulub. Bu, anomal halın aydınlaşdırılması üçün qeyd edək ki,  hemofroditin müalicəsi üçün ilk olaraq cərrahi əməliyyat lazımdır. Bu diaqnozun müalicəsi üsuludur. Bu hadisəni bu cür başlıqlarla “qışqıraraq” yaymaq lazım deyil”.

Istambul NS klinikasında əməliyyat faktı təsdiqlənib və qeyd edilib ki, hazırda uşağı əməliyyat edən Dilqəm Məmədovun pasiyenti özünü yaxşı hiss edir. 

1news.az