Avro-2020 üçün Bakının loqosu təqdim edildi – FOTO

Bu gün Avro-2020-yə ev sahibliyi edəcək 13 şəhərdən birinin - Bakının loqosunun təqdimat mərasimi keçirilib.

1news.az-ın məlumatına görə, Bakı Olimpiya stadionunda keçirilən tədbirdə baş nazirin birinci müavini Yaqub Eyyubov, gənclər və idman naziri Azad Rəhimov, AFFA-nın prezidenti Rövnəq Abdullayev, UEFA-nın prezidenti Aleksander Çeferin və digər rəsmi şəxslər, eləcə də dünya futbolunun ulduzu, Hollandiya yığmasının tərkibində 1988-ci ildə Avropa çempionu olmuş Ruud Qullit, “Mançester Yunayted” klubunun keçmiş futbolçusu Lui Saa iştirak ediblər.

Tədbirin rəsmi hissəsi başa çatandan sonra dünyaca məşhur “Soley” (Cirque du Soleil) sirk qrupu xüsusi proqramla çıxış edib.

Qeyd edək ki, paytaxtımızda Avro-2020-nin 4 görüşü - qrup mərhələsinin 3, 1/4 finalın isə 1 oyunu keçiriləcək.

​

1news.az