Elxan Məmmədov Leaders Under 40 Awards versiyası üzrə idman sahəsində dünya “Lideri” oldu – FOTO – VİDEO

Oktyabrın 4-ü Londonun Milli tarix muzeyində hər il keçirilən Leaders Under 40 Awards mükafatının laureatlarının təltif etmə mərasimi keçirilib.

1news.az-ın verdiyi məlumata əsasən, bu mükafatı yaşı 40-dan çox olmayan idman biznesi dünyasının ən istedadlı idarəçiləri alır.

Mərasimdə 600-ə yaxın insan iştirak edib.

Pretendentlər siyahısına daxil edilən AFFA-nın baş katibi Elxan Məmmədov idman sahəsində “Liderlik” kateqoriyası üzrə mükafata layiq görülüb.

Mükafat Aspire Academy ilə birgə Leaders tərəfindən təqdim edilir.

Ümumi olaraq isə mükafat 5 nominasiya üzrə təyin edilib – “Rəqəmsal texnologiyalar”, “Sahibkarlıq”, “Liderlik”, “Marketinq və PR”, “Satışlar”.

9 ay ərzində, 60 nəfərdən ibarət, beynəlxalq münsiflər heyəti 48 ölkəni təmsil edən 780 insan arasında 35 ən yaxşı namizədi seçib.

Mükafatlandırma mərasimi Leaders idamn biznes-samittinin keçirilməsindən bir gün öncə baş tutub.

Qeyd etmək lazımdır ki, biznes-sammit 5-6 oktyabr tarixlərində “Çelsi” futbol klubunun stadionu olan “Stemford Bric”-də keçiriləcək.

Leaders Under 40 Awards nominasiyası üzrə pretendentlər arasında həmçinin America's Cup Yelkən yarışları üzrə yarışların əməliyyat komitəsinin direktoru Sem Hollis, FİFA-nın professional futbol departamentinin rəhbəri Ceyms Conson, UFC-nin (Ultimate Fighting Championship) maliyyə direktoru Nakisa Bidarian, “Mançester Siti” futbol klubunun icraçı direktoru Ömər Berrada, ESPN telekanalının vitse-prezidenti və icraçı prodüseri Konnor Şell və məşhir Bleacher Report portalının prezidenti Rori Braun yer alıblar.

“Liderlik” kateqoriyasında qəlbə üçün aşağıdakı tələblər qoyulub:

- Ən yüksək professionallıq standartlarına sahib olan komanda və ya təşkilata rəhbərlik edir

- Biznesin irəliləməsi üçün staretji düşüncə tərzi və addımlar

- Lider qismində bir neçə maraqlı tərəf olan qrupların idarə edilməsi

- Təşkilat çərçivəsində qabaqcıl prinsiplər və komandanın işlənilməsi

Leaders Elxan Məmmədovu öz ölkəsində futbol federasiyasını restrukterizə edən, böyük sayda gənclərin və uşaqların, həmçinin qızların, cəlb edilməsi ilə futbol inkişafının uzunmüddətli strategiyasını təsdiq edən, hal-hazırda milli yəğmalar, premier-liqa və UEFA klubları tərəfindən istifadə edilən, futbol infrastrukturunun genişlənməsinə zəmin yaradan, AFFA-nın rəhbəri kimi təqdim edir.

Qeyd edək ki, Leaders təçkilatı 2008-ci ildə Ceym Uorrol tərəfindən təsis edilib. Şirkət idman biznesi sahəsində geniş xidmətlər siyahısı təklif edir. Leaders idman dünyasında 2 qrup şəxslərlə – meydançadan kənarda və meydançada nəticə göstərən insanlarla işləyir.

Aspire Academy – 2004-cü ildə təsis edilən məşhur Qətər akademiyasıdır. Akademiyanın məzunları dünya çempionları və olimpiya oyunları mükafatlarına nail olublar.

1news.az