Naxçıvan-Məşhəd dəmir yolu reysi açılacaq

Azərbaycan Naxçıvan-Məşhəd marşrutu üzrə hərəkət edəcək sərnişin qatar heyəti üçün İran tərəfinə artıq 3 vaqon təqdim edib.

1news.az “Report”a istinadən xəbər verir ki, 36 nəfərlik kupe tipli vaqonlar əsaslı bərpa-təmir görmüş nəqliyyat vasitələridir.

Belə ki, üç vaqon ayrı lokomotivlə İranın Təbriz şəhərinə qədər hərəkət edəcək. Təbrizdə isə vaqonlar Təbriz-Məşhəd qatarına qoşulacaq. Eyni zamanda geri qayıdarkən vaqonlar Məşhəd şəhərindən Təbrizə qədər, daha sonra ayrı lokomotivlə Culfaya qədər (İran) hərəkət edəcək. Culfadan isə Azərbaycana məxsus lokomotiv vasitəsilə Naxçıvana çatdırılacaq.

Qeyd edək ki, “Azərbaycan Dəmir Yolları” (ADY) QSC-nin sədri Cavid Qurbanov isə bu, Naxçıvan-Məşhəd marşrutu üzrə sərnişin qatarının işə düşməsindən sonra İranda qurumun nümayəndəliyinin açılması imkanını da istina etməyib.

ADY-nin hazırda Türkiyə, Rusiya, Avropa ölkələri, Qazaxıstanda nümayəndəlikləri var.

1news.az