Pakistanın baş naziri bu gün Azərbaycana səfər edəcək

Oktyabrın 13-ü Pakistanın baş naziri Nəvaz Şərif Azərbaycana 3-günlük səfər edəcək.

1news.az-ın Gulf News-a istinadən verdiyi məlumatına əsasən, səfər çərçivəsində iki ölkə arasında ikitərəfli siyasi və iqtisadi münasibətlərin, həmçinin beynəlxalq və bölgəsəl gündəlikdə duran məsələlərin müzakirəsi gözlənilir.

N.Şərifin Azərbaycan Prezidenti İlham Əliyevlə və baş nazir Artur Rəsizadə ilə görüşü planlaşdırılıb.

Məlumata əsasən, bu Nəvaz Şərifin ölkəmizə Azərbaycan Prezidentinin dəvəti ilə baş tutacaq ilk səfəridir.

Pakistanın baş nazirini dövlətin və hökumətin yüksək vəzifəli şəxslərindən ibarət heyət müşayiət edəcək.

1news.az