Ronaldinyo Maradonaya qalib gəldi – FOTO – VİDEO
Dünya futbolunun keçmiş və hazırkı futbolçuları Roma papası Fransiskin istəyi ilə baş tutan xeyriyyə matçında bir araya gəlib.
1news.az-ın məlumatına görə, Romadakı “Olimpiya” stadionunda keçirilən oyunda Ronaldinyonun komandası Maradonanın komandası ilə üz-üzə gəlib. Görüş Ronaldinyonun komandasının qələbəsi ilə başa çatıb – 4:3
Qarşılaşmada Maradona və Ronaldinyo ilə yanaşı, Françesko Totti, Kafu, Aldair, Aytor Karanka, Canluka Zambrotta, Rafael Markes, Erik Abidal, Edqar Davids, Xuan Sebastian Veron, Hernan Krespo, Frederik Kanute, Antonio di Natale, Fərid Mondraqon, Robert Pires, Nikolas Burdisso və Fernando Kavenaqi kimi məşhur oyunçular da iştirak edib.
Qalib komandanın qollarını Frederik Kanute, Ernan Krespo, Boyan Krkiç və Fernando Kavenaqi vurublar.
Maradonanın komandasında isə Antonio di Natale, Françesko Totti və Nikolas Burdisso fərqlənib.
Qeyd edək ki, qarşılaşmadan əldə edilən vəsait xeyriyyə məqsədi ilə istifadə olunacaq.
1news.az
