“İnter” “Kəpəz”lə bacarmadı

Futbol üzrə Azərbaycan Premyer Liqasında IX turun ilk görüşü keçirilib.

1news.az “Report”a istinadən xəbər verir ki, günün yeganə qarşılaşması Gəncədə oynanılıb.

"Kəpəz" avrokuboklar uğrunda mübarizədə əsas rəqiblərindən olan "İnter"i qonaq edib. Görüş soyuq və çiskinli hava şəraitində keçib. Üstəlik, ot örtüyü qənaətbəxş vəziyyətdə olmayıb. Bütün bu amillərə baxmayaraq, gərgin və qol epizodları ilə bol oyun alınıb. Tərəflərin səylərinə baxmayaraq, qapılara qol vurulmayıb.

Beləliklə, 0:0 hesablı heç-heçə Gəncə və paytaxt komandalarının hərəsinə bir xal qazandırıb. "İnter" 17 xalla 2-ci, "Kəpəz" 11 xalla 4-cü pillədə qalıb.

14:30. "Kəpəz” – "İnter” - 0:0

Gəncə. Şəhər stadionu.

1news.az