“Qəbələ” və “Qarabağ”ın oyunlarının hakimləri bəlli oldu
“Qarabağ” və “Qəbələ”nin Avropa Liqasının qrup mərhələsindəki oyunlarının hakim təyinatları açıqlanıb.
1news.az-ın məlumatına görə, Bakıda keçiriləcək “Qəbələ” – “Sent Etyen” oyununu İspaniyadan olan hakimlər briqadası idarə edəcək.
Matçın baş hakimi Karlos Del Kerro Qrande olacaq. Ona Xuan Karlos Ximenes və Roberto Fernandez köməklik edəcək. Dördüncü hakim Abraham Alvares Kanton olacaq.
Salonikidə keçiriləcək PAOK – “Qarabağ” oyununu Şotlandiyadan olan hakimlər briqadası idarə edəcək.
Matçın baş hakimi Con Biton olacaq. Ona həmyerliləri Duqlas Potter və Alastar Mazer kömək edəcək. Dördüncü hakim funksiyasını Şon Karr yerinə yetirəcək.
Qeyd edək ki, oyunlar noyabrın 3-də keçiriləcək. "Qəbələ" - "Sent Etyen" oyunu saat 22:00-da, PAOK - "Qarabağ" oyunu isə Bakı vaxtı ilə saat 00:05-də başlayacaq.
1news.az
