“Sent Etyen”in baş məşqçisi azərbaycanlı jurnalistlərə qışqırdı - VİDEO

Avropa Liqasının qrup mərhələsində “Qəbələ” ilə qarşılaşan “Sent-Etyen”in baş məşqçisi Kristof Qaltye qarşılaşmadan sonra təşkil olunan mətbuat konfransını yarımçıq tərk edib.

1news.az-ın məlumatına görə, buna səbəb bəzi jurnalistlərin konfransı vaxtından əvvəl tərk etməsi və səs-küy salmaları olub.

Buna sərt şəkildə etirazını bildirən Qaltye “Dayanın, konfrans bitməyib. Bu nə bazardı? deyərək zalı tərk edib.

Qeyd edək ki, “Qəbələ” – “Sent-Etyen” matçı qonaqların 2:1 hesablı qələbəsi ilə yekunlaşıb.

1news.az