Diyarbəkirdəki partlayışda həlak olanların sayı 9 nəfərə çatıb – FOTO - VİDEO - YENİLƏNİB
Türkiyənin Diyarbəkir şəhərinin Bağlar rayonunda Terrora Qarşı Mübarizə və Çevik Polis Alayının yerləşdiyi binanın qarşısında törədilən partlayış nəticəsində həlak olanların sayı 9 nəfərə çatıb.
Həkimlərin müdaxiləsinə baxmayaraq, hadisədə yaralanan daha bir nəfər xəstəxanada dünyasını dəyişib.
Bununla da 3-ü polis, 6-sı mülki vətəndaş olmaqla 9 nəfər şəhid olub.
TRT Haber
11.06
Türkiyənin Diyarbəkr vilayətinin Bağlar rayonunda polis idarəsinə silahlı hücum olub.
1news.az-ın Türkiyə mətbuatına istinadən verdiyi xəbərə görə, bu gün səhər saatlarında terrorla mübarizə və çevik polis alayının yerləşdiyi bina partladılıb.
Terakt nəticəsində bir nəfər ölüb, 30-dan artıq şəxs isə müxtəlif dərəcəli bədən xəsarətləri alıb.
Hadisə yerinə xeyli sayda təcili tibbi yardım maşını cəlb olunub.
İlkin ehtimala görə, partlayıcı qurğu yerləşdirilmiş avtomobil binanın girişində partladılıb.
Hüquq-mühafizə orqanlarının əməkdaşları partlayışı törədən şəxslərin tapılması üçün əməliyyata başlayıblar.
1news.az
